Siria përballet me objektiva armiqësore izraelitë mbi Damask dhe Homs

Mbrojtja ajrore siriane u përball me sulmet izraelite kundër kryeqytetit Damask dhe qytetit perëndimor të Homsit, duke shkatërruar shumicën e raketave të lëshuara gjatë sulmeve ajrore.

Sulmet u raportuan të Premten herët, me rrjetin televiziv libanez al-Majadin duke thënë se regjimi izraelit gjuajti raketa gjatë agresionit kundër fshatrave perëndimore të kryeqytetit sirian dhe periferive jugore të Homsit. Burimet e lajmeve thanë se shpërthimet u dëgjuan në të gjithë Damaskun pasi mbrojtja siriane goditi raketat izraelite në ajër. Mediat izraelite konfirmuan sulmet që ndodhën kundër Damaskut. Ministria siriane e Mbrojtjes tha se sulmet e kishin origjinën nga zona juglindore e kryeqytetit libanez Bejrut, duke thënë se Damasku ishte "duke hetuar rezultatet e këtij agresioni". Al-Majadin citoi një burim brenda ushtrisë siriane duke thënë se njësitë e mbrojtjes ajrore të vendit kishin arritur të shkatërronin shumicën e raketave të lëshuara nga pala izraelite.