Avionët rusë godasin pozicionet e terroristëve në Siri

Ministria ruse e Mbrojtjes njoftoi se avionët luftarakë të Rusisë kanë kryer një seri sulmesh ajrore mbi pozicionet e anëtarëve të grupit terrorist Hajat Tahrir al-Sham (HTS) në provincën veriperëndimore të Sirisë, Idlib, duke vrarë dhjetëra terroristë.

Nënkryetari i Qendrës Ruse të Pajtimit për Sirinë, gjeneralmajor Oleg Yegorov, tha se sulmet ajrore shkatërruan tre kampe të terroristëve në fshatin Sheikh Yousef, i cili shtrihet në rrethin Armanaz të provincës Idlib. Ai shtoi se si pasojë u shkatërruan depot e armëve dhe qendrat e militantëve. Më shumë se 45 terroristë, duke përfshirë komandantët në terren Bilal Said dhe Abu Duxhan al-Diri, u vranë gjithashtu. Yegorov vuri në dukje se terroristët e vrarë ishin të përfshirë në sulmet ndaj trupave siriane dhe civilëve në zonën e Idlibit. Ata gjithashtu kanë marrë pjesë në sulme të organizuara terroriste në territoret e kontrolluara nga qeveria në të gjithë Sirinë. Zhvillimi ndodhi më shumë se një javë pasi avionët luftarakë rusë vranë liderin e grupit terrorist të ashtuquajturi Jama'at al-Tawhid wal-Jihad, Siraxhuddin Mukhtarov, në një sulm ajror kundër një kampi militant në provincën Idlib më 8 shtator.