Moqdad: Sanksionet amerikane pengojnë dërgimin e ndihmave për viktimat e tërmetit

Ministri i Jashtëm sirian Faisal Moqdad tha: Sanksionet amerikane janë pengesë e madhe për dërgimin e ndihmës së shpejtë sepse këto sanksione pengojnë importin e barnave në Siri. Tërmeti me magnitudë 7.8 të shkallës Rihter mëngjesin e së hënës goditi veriperëndimin e Sirisë duke shkaktuar shumë dëme materiale dhe në njerëz.

Numri i viktimave të këtij tërmeti deri më tani është bërë i ditur në 1782. Sipas IRNA, ministri i Jashtëm sirian në një intervistë për kanalin al-Mayadeen dënoi sanksionet amerikane kundër popullit sirian dhe shtoi:  Qeveria siriane është e gatshme të lejojë dërgimin e ndihmave në të gjitha rajonet, me kusht që ndihmat të mos arrijë në duart e terroristëve. Përfaqësuesi i Sirisë në Kombet e Bashkuara, Bassam Sabbagh, ka takuar dhe biseduar me Sekretarin e Përgjithshëm të kësaj organizate, Antonio Guterres, për tërmetin në veri të vendit dhe gjendjen e viktimave të tërmetit. Në këtë takim, përfaqësuesi i Sirisë në Kombet e Bashkuara iu referua deklaratës së Ministrisë së Punëve të Jashtme të Sirisë, në të cilën shteteve anëtare të Kombeve të Bashkuara, sekretariatit të kësaj organizate, Komitetit Ndërkombëtar të Kryqit të Kuq, organizatave qeveritare dhe joqeveritare iu kërkua të mbështesin Sirinë dhe shtetin e saj për të ndihmuar në zgjidhjen e fatkeqësisë njerëzore të shkaktuar nga tërmeti i fundit.