Hamasi: Vrasja e luftëtarëve palestinezë nuk i jep fund rezistencës
Lëvizja e Rezistencës Islamike Palestineze (Hamas) duke dënuar martirizimin e të rinjve palestinezë theksoi se rezistenca e popullit palestinez nuk do të ndalet me vrasjen e luftëtarëve.
Ministria e Shëndetësisë palestineze lëshoi një deklaratë duke njoftuar të enjten se një palestinez 25-vjeçar i quajtur Amir Emad Abu Khadijah u martirizua nga forcat pushtuese gjatë sulmit të tyre në Tulkarem, që ndodhet në Bregun Perëndimor të lumit Jordan. Sipas Qendrës së Informacionit Palestinez, në përgjigje të vrasjes së një të riu palestinez, lëvizja Hamas njoftoi përmes një deklarate se vrasja e trimave palestinezë nuk do ta ndalë kurrë rrugën e rezistencës dhe kombi palestinez nuk ka frikë nga këto krime. Në këtë deklaratë, Hamasi bëri thirrje për vazhdimin e kryengritjes së popullit palestinez që synon pushtimin izraelit dhe vazhdimin e ruajtjes së xhamisë Al-Aksa për ta mbrojtur atë kundër planeve dhe komploteve të kabinetit dhe kolonëve pushtues. Lidhur me këtë, Batalioni Tulkarm njoftoi: Ebu Hatixhe ishte një nga komandantët dhe themeluesit e këtij batalioni, i cili ra dëshmor gjatë operacioneve të regjimit sionist. Me martirizimin e Ebu Hatixhes, numri i dëshmorëve palestinezë që nga fillimi i këtij viti është rritur në 90 persona, në mesin e të cilëve 17 fëmijë dhe një grua.
