Siria është në prag të rihapjes së ambasadës në Arabinë Saudite

Gazeta Al-Vatan e Sirisë raportoi për udhëtimin e fundit të një delegacioni teknik nga Ministria e Jashtme siriane në Arabinë Saudite për të rihapur ambasadën siriane.

Në prag të vendosjes së marrëdhënieve diplomatike midis Sirisë dhe Arabisë Saudite, gazeta siriane "Al-Vatan" raportoi për vizitën e fundit të një delegacioni teknik nga Ministria e Jashtme siriane në Arabinë Saudite me qëllim përgatitjen e kushteve për hapjen e ambasadës së Damaskut në Riad. Gazeta Al-Vatan e Sirisë, duke cituar burime mediatike në Riad, njoftoi: "Delegacioni gjatë udhëtimit të tij në Riad, për të zgjidhur çështjet diplomatike të qytetarëve sirianë ka shqyrtuar parakushtet për rihapjen e ambasadës siriane, si dhe rihapjen e konsullatës siriane në Riad, por sipas terrenit të vlerësimit, rihapja dhe riparimi i kësaj ambasade për momentin nuk është e mundur dhe kërkon kohë”. Ky burim shtoi: “Hapja e konsullatave dhe emërimi i diplomatëve mund të bëhet në fund të majit ose në fillim të qershorit”. Duhet përmendur se ministri i Jashtëm saudit Faisal bin Farhan mbërriti në Damask më 18 prill, pas 12 vitesh nga vizita e fundit e një ministri saudit në Siri. Në mars 2012, Arabia Saudite mbylli ambasadën e saj në Damask dhe ndërpreu marrëdhëniet diplomatike me qeverinë siriane. Më herët agjencia e lajmeve “Sputnik” raportoi se pas dhjetë vitesh prishje të marrëdhënieve, Arabia Saudite planifikon të rihapë konsullatën e saj në Damask. Sipas këtyre burimeve të ditura, ndërmjetësimi rus dhe ai i Emirateve ka çuar në heqjen e pengesave mes dy vendeve arabe dhe ka mundësi që në të ardhmen e afërt të rihapet edhe konsullata saudite në Damask. Ministri i Jashtëm saudit Faisal bin Farhan më herët në deklaratat e tij ka theksuar se vendet arabe kanë arritur në përfundimin se nuk ka kuptim të izolohet Siria dhe se është e nevojshme të negociohet me Sirinë për të zgjidhur problemet e vendit, veçanërisht çështjet humanitare. Ai tha se negociata të tilla mund të çojnë përfundimisht në kthimin e Sirisë në Ligën Arabe.