Ynetnews: “Hakerët iranianë” depërtojnë në rrjetet e mbi 30 firmave izraelite

Hakerët iranianë kanë arritur të depërtojnë në rrjetet e më shumë se 30 kompanive në Izrael, thuhet në një raport.

Faqja izraelite e internetit Ynetnews raportoi të hënën se kompania e sigurisë së informacionit ESET zbuloi se ata që i quajti 'hakerë iranianë' përfituan nga një dobësi e njohur në serverët e postës elektronike të korporatave të 32 kompanive izraelite për të gjetur një "backdoor", duke i lejuar ata të hyjnë në rrjetet e tyre. Kompania e sigurisë kibernetike, e cila nuk pranoi të zbulonte emrat e kompanive të hakuara, tha se hakerët e supozuar iranianë depërtuan gjithashtu në një kompani në Brazil dhe një tjetër në Emiratet e Bashkuara Arabe (EBA). Sipas raportit, kompanitë e hakuara operojnë në fusha të ndryshme, duke përfshirë sigurimet, mjekësinë, industrinë, komunikimin, IT, teknologjinë, shitjen me pakicë, automobilat, ligjiet, shërbimet financiare, arkitekturën dhe inxhinierinë civile. Ynetnews tha se grupi i hakerëve e identifikoi veten si Ballistic Bobca. Ajo tha se të paktën 16 kompani të tjera u prekën nga sulmuesit dytësorë. Regjimi izraelit ka vënë në shënjestër Iranin në shumë raste ose drejtpërdrejt, ose duke nxitur dhe ofruar mbështetje për autorët e sulmeve kibernetike. Si hakmarrje, grupet iraniane të hakerëve supozohet se operojnë kundër objektivave në Izrael. Në fund të vitit 2020, e përditshmja izraelite Ha'aretz pretendoi se një grup hakerësh elitarë që i prezantoi si iranianë kishin avancuar deri në zyrën e kryeministrit izraelit Benjamin Netanyahu dhe kompaninë kryesore të hapësirës ajrore të regjimit sionist.