Jordania dërgon ndihma mjekësore në Gaza
Mbreti Abdullah II i Jordanisë urdhëroi dërgimin e ndihmave mjekësore urgjente në Gaza dhe forcat ajrore jordaneze dërguan një ngarkesë me ndihma mjekësore në Rripin e Gazës.
Sipas Al Jazeera, Mbreti Abdullah II i Jordanisë tha se forcat ajrore të këtij vendi dërguan një ngarkesë me ndihma mjekësore në spitalin jordanez në Gaza. Sipas një burimi lokal, Jordania ka dërguar ndihma urgjente mjekësore në spitalin jordanez në Gaza duke përdorur parashuta. Spitali jordanez në Gaza u krijua në vitin 2009 dhe drejtohet nga autoritetet jordaneze. Forcat e armatosura jordaneze, me urdhër të mbretit Abdullah II, e kryen këtë operacion duke përdorur një avion të Forcave Ajrore Mbretërore. Spitali jordanez i Gazës kishte nevojë urgjente për pajisje mjekësore pasi po mbaronte stoku për shkak të vonesave në dërgimin e ndihmave përmes kalimit Rafah. Pavarësisht mungesës së madhe të furnizimeve, spitali mbetet funksional dhe vazhdon të ofrojë shërbime mjekësore për banorët e Gazës. Kjo ngarkesë mjekësore u transferua në Gaza pas vizitës së Sekretarit Amerikan të Shtetit Anthony Blinken në Jordani. Sekretari amerikan i Shtetit të shtunën në Aman u takua me ministrat e jashtëm të Jordanisë, Egjiptit, Arabisë Saudite dhe Emiratet e Bashkuara Arabe. Në lidhje me këtë, ushtria sioniste pretendoi se gjatë ditës dhe natës së kaluar 75 kamionë me ndihma humanitare hynë në Rripin e Gazës.
