Lufta e Gazës dhe shtimi i problemeve ekonomike të Izraelit

Lufta e regjimit sionist kundër Rripit të Gazës çoi në një armëpushim të përkohshëm pas rreth 50 ditësh ku Tel Avivi pësoi një kosto të rëndë ekonomike.

Regjimi sionist mund ta konsiderojë gjenocidin në Gaza si një fitore për vete, por nuk ka dyshim se në skenën reale të luftës ky regjim nuk ka pasur asnjë fitore. Jo vetëm që objektivat e saj ushtarake nuk u arritën, por ajo pësoi humbje të rënda njerëzore dhe ekonomike. Nga ana ekonomike, Ministria e Financave e regjimit në tetor njoftoi se kostoja ditore e luftës është rreth 270 milionë dollarë, që do të thotë më shumë se 8 miliardë dollarë në muaj. Ndërsa buxheti vjetor i deklaruar i Ministrisë së Luftës është rreth 24 miliardë dollarë.  Me fjalë të tjera, për 50 ditë u shpenzuan rreth 16 miliardë dollarë, ekuivalente me rreth 70% të buxhetit vjetor ushtarak të regjimit. Në raporte të tjera, kostot ekonomike të luftës ishin shumë më të larta.  Kanali 12 i televizionit të regjimit sionist raportoi për takimin e drejtuesve të lartë të Ministrisë së Financave të këtij regjimi me kabinetin e sigurisë, i cili zgjati 3 orë dhe në të u diskutua për kostot e luftës kundër Gazës. Sipas informacioneve të paraqitura në këtë takim, çdo ditë e luftës i kushton regjimit sionist rreth një miliard shikla dhe këtu përfshihen kostot direkte të luftës, duke përfshirë pagesën e pagave të ushtarëve, në mënyrë që çdo i rekrutuar të marrë 1000 shikla në ditë përveç kostove të fluturimit të avionëve luftarakë dhe karburantit të tyre dhe sigurimit të ushqimit dhe pajisjeve ushtarake. Gjithashtu, lufta shkaktoi deficit buxhetor të Izraelit. Financial Times raportoi se deficiti buxhetor i Izraelit do të trefishohet vitin e ardhshëm (2024) në rreth 5-8% të PBB-së të tij. Banka Qendrore e regjimit sionist gjithashtu njoftoi se shpenzimet e bëra në ekonominë e këtij regjimi për shkak të mungesës së fuqisë punëtore kanë arritur në 2.3 miliardë shikla në javë. Ky organ sionist shtoi se këto kosto janë për shkak të mbylljes së shumë shkollave në pjesë të ndryshme të territoreve të pushtuara dhe shpërnguljes së rreth 144 mijë punëtorëve nga zonat pranë kufijve të Gazës dhe Libanit, si dhe thirrjes së forcave të sigurisë për shërbim ushtarak. Qeveria e regjimit sionist ka thirrur 360 mijë ushtarë rezervë për shërbimin ushtarak, që është numri më i madh në historinë e këtij regjimi në luftërat e kaluara kundër Gazës dhe kjo ka detyruar shumë punëtorë dhe punonjës që të largohen nga vendet e tyre të punës. Të gjitha këto kushte bënë që regjimi sionist të nisë rishikimin e buxhetit të vitit 2023; Një çështje e cila në vetvete është kthyer në një vend debatesh të brendshme dhe nën hijen e lajmeve të luftës, zhurma e saj nuk dëgjohet shumë. Problemet ekonomike të regjimit sionist u shtuan si pasojë e luftës 50-ditore dhe sfidat ekonomike ishin një nga arsyet e protestave të përhapura popullore para luftës së fundit.