Numri i dëshmorëve në Gaza është rritur në 20.424

Ministria e Shëndetësisë së Gazës njoftoi se numri i viktimave nga agresioni i regjimit sionist në Rripin e Gazës ka arritur në 20.424.

Sipas raportit të Ministrisë së Shëndetësisë së Gazës, numri i dëshmorëve të agresionit brutal të regjimit sionist në Rripin e Gazës që nga data 7 tetor ka arritur në 20.424 persona dhe numri i të plagosurve ka arritur në 54.036 persona.

Ministria theksoi gjithashtu se bombardimet e Rripit të Gazës në 24 orët e fundit nga regjimi sionist kanë rezultuar në martirizimin e 166 personave dhe plagosjen e 384 të tjerëve. Zyra për Informim e Qeverisë në Gaza në një deklaratë theksoi se forcat izraelite i detyrojnë civilët të shkojnë në të ashtuquajturat zona të sigurta, por ata i bombardojnë të njëjtat zona dhe i vrasin. Kjo deklaratë shton: Në 48 orët e fundit, ushtria sioniste u kërkoi banorëve të 8 lagjeve qendrore të Gazës të shkonin në rajonin Deir ul-Balah, por në të njëjtën zonë ndodhën 5 masakra, duke rezultuar në martirizimin e 28 palestinezëve dhe plagosjen e 88 të tjerëve.