Siria thotë se ka rrëzuar raketat izraelite mbi Damask

Siria njoftoi se mbrojtja e saj ajrore është përballur me një sulm raketor izraelit mbi kryeqytetin Damask, në aktin e fundit të agresionit të Tel Avivit kundër vendit arab.

Agjencia shtetërore siriane e lajmeve SANA citoi një burim ushtarak sirian të thoshte se ushtria siriane kishte kapur një numër raketash izraelite që synonin Damaskun jugor.

Burimi ushtarak tha se sulmi u nis në orën 04:20 të mëngjesit me orën lokale nga lartësitë e pushtuara të Golanit.

“Mbrojtja jonë ajrore u përball me raketat armike dhe rrëzoi disa prej tyre”, tha burimi, duke theksuar se janë shkaktuar vetëm dëme materiale.

Të hënën, media siriane tha se regjimi izraelit kishte nisur një sulm me raketa në një zonë pranë faltores Sejeda Zeinab në periferinë jugore të Damaskut.

Këto sulme vijnë ndërsa Izraeli vazhdon agresionin e tij brutal tokësor dhe ajror kundër palestinezëve në Rripin e rrethuar të Gazës.