Hamasi iu përgjigj propozimit për armëpushim në Gaza

Hamasi njoftoi përgjigjen e tij ndaj Katarit dhe Egjiptit për armëpushimin në Gaza pas konsultimit të brendshëm të udhëheqësve të tij, si dhe konsultimit me grupet e rezistencës në Palestinë.

Sipas agjencisë së lajmeve Fars, Hamasi njoftoi në një deklaratë se ka ndërvepruar me propozimin e armëpushimit me një këndvështrim pozitiv dhe dëshiron një armëpushim të plotë, një fund të luftës kundër popullit të Gazës, strehimin e të zhvendosurve, rindërtimin, heqje të bllokadës së Rripit të Gazës dhe shkëmbimin e të burgosurve.

Presidenti i Shteteve të Bashkuara njoftoi të martën në mbrëmje se Uashingtoni ka marrë përgjigjen e lëvizjes Hamas për kuadrin e marrëveshjes së propozuar për armëpushim në Gaza dhe lirimin e të burgosurve.

Joe Biden tha: "Lëvizjet janë duke u zhvilluar në lidhje me marrëveshjen për lirimin e pengjeve dhe armëpushimin në Gaza. Negociatorët izraelitë, amerikanë, egjiptianë dhe katariotë arritën së fundi një marrëveshje në Paris për një kornizë për të ndaluar luftën dhe lirimin e të burgosurve të tjerë izraelitë."

Hamasi, duke theksuar se këtij propozimi iu përgjigj pas konsultimit me grupet e tjera të rezistencës, tha: "Ne kemi një qëndrim pozitiv ndaj këtij propozimi që përfshin një armëpushim gjithëpërfshirës dhe të plotë dhe përfundimin e sulmit ndaj kombit tonë".

Në fund, duke vlerësuar rezistencën heroike të kombit dhe rezistencën palestineze në Rripin e Gazës, Hamasi deklaroi: "Ne do të vazhdojmë të mbrojmë kombin tonë me të gjitha grupet e tjera kombëtare derisa të përfundojë pushtimi izraelit dhe të përmbushen të drejtat tona legjitime dhe kombëtare".

Edhe Kryeministri i Katarit tha të martën se reagimi i Hamasit lidhur me planin e fundit për një armëpushim në Gaza dhe lirimin e pengjeve “përgjithësisht ishte pozitiv”.

Sheikh Mohammed bin Abdulrahman Al-Thani nuk dha më shumë detaje lidhur me reagimin e Hamasit, por tha se grupi palestinez “kishte disa komente”.