Vdes lideri kryesor i Al-Kaedas në Jemen
Burime të lajmeve konfirmuan vdekjen e një prej drejtuesve kryesorë të Al-Kaedas në Gadishullin Arabik.
Sipas agjencisë së lajmeve Reuters, është konfirmuar vdekja e një prej liderëve kryesorë të Al-Kaedas në Gadishullin Arabik, i quajtur Khaled Batarfi.
Burime të lidhura me Al-Kaedan kanë thënë se pas vdekjes së Batarfit, një person i quajtur Sa'ad bin Atif al-Awlaki do të jetë lideri i ri i Al-Kaedas.
Në fillim të vitit 2020, Khalid Batarafi u prezantua si lider i Al-Kaedas në Jemen pas vrasjes së Kasem al-Rimit në Jemen.
Batarfi ishte gjithashtu në mesin e të burgosurve që u arratis nga burgu dhe u lirua në vitin 2015 së bashku me 150 anëtarë të tjerë të Al-Kaedas në Jemen pas sulmit të këtij grupi në qytetin port Mukalla.
Shkaku i vdekjes së ish-liderit të Al-Kaedas në Jemen nuk është bërë i ditur, por duket se ai ka vdekur për shkaqe natyrore, edhe pse mënyra e vdekjes së tij mbetet e paqartë.
Pas vrasjes së paraardhësit të tij Kasem al-Rimi në vitin 2020, Batarfi u bë drejtuesi i ri i Al-Kaedas dhe emri i tij është në listën e terrorit të SHBA që nga viti 2018.
