Demonstrata e mijëra sionistëve kundër Netanyahut në Tel Aviv

Ndërsa lufta në Gaza po arrin kufirin e saj gjashtëmujor, të shtunën dhjetëra mijëra izraelitë protestuan kundër Netanyahut dhe kërkuan zgjedhje të parakohshme për ta rrëzuar atë.

Sipas ISNA, burime në gjuhën hebraike bënë të ditur se protestuesit kërkuan largimin e Netanyahut dhe mbajtjen e zgjedhjeve të parakohshme dhe një marrëveshje të menjëhershme për shkëmbimin e të burgosurve me rezistencën në Gaza. Familjet e të burgosurve sionistë theksuan se Netanyahu po e pengon qëllimisht marrëveshjen për shkëmbimin e të burgosurve me qëllim që të burgosurit izraelitë të vriten në robëri në Gaza.  Ndërkohë, ushtria izraelite njoftoi se ushtarët gjetën trupin e një pengu të rrëmbyer nga palestinezët më 7 tetor. Forcat izraelite të mbrojtjes (IDF) njoftuan se trupi i Elad Katzir, një fermer 47-vjeçare, u zbulua nga komandot në jug të Khan Yunisit. Lajmi për vdekjen e Katzir vjen ndërsa një valë e re protestash i bën thirrje kryeministrit izraelit Benjamin Netanyahu të bëjë më shumë për të siguruar një marrëveshje të re pengjesh dhe për të mbajtur zgjedhje të parakohshme.  Gjithashtu, një numër i familjeve të të burgosurve izraelitë protestuan para ambasadës së Katarit në Nju Jork. Kanali 12 i regjimit sionist raportoi se një numër i familjeve të të burgosurve sionistë u mblodhën para ambasadës së Katarit në Nju Jork dhe kërkuan ndihmën e Dohas për lirimin e të burgosurve të tyre. Sipas këtij raporti, demonstruesit brohoritën "Ndihmë për të përmbushur marrëveshjen e [shkëmbimit të të burgosurve]" dhe kërkuan ndihmën e Dohas.