Gaza nën zjarr nga toka, ajri dhe deti
Mediat arabe në ditën e 200-të që nga fillimi i luftës në Gaza raportuan për vazhdimin e sulmeve ajrore, tokësore dhe detare të regjimit sionist kundër banorëve të përvuajtur të Rripit të Gazës.
Gazetari i rrjetit Al-Mayadeen theksoi se avionët e regjimit sionist bombarduan këtë mëngjes veriun e Rripit të Gazës. Këto sulme gjithashtu u kryen rrugën al-Thalasini që ndodhet në qendër të Rripit të Gazës. Përveç sulmeve ajrore, artileria e regjimit sionist ka sulmuar edhe veriun e kampit Nusirat që ndodhet në qendër të Rripit të Gazës. Një lajm tjetër është se zyra e informimit e qeverisë palestineze në Rripin e Gazës njoftoi se që nga fillimi i luftës më 7 tetor, mesatarisht çdo ditë në Gaza janë martirizuar 213 palestinezë. Në këtë deklaratë thuhet: 385 palestinezë lëndohen çdo ditë nga sulmet e ushtrisë së regjimit sionist në Rripin e Gazës. Përveç kësaj, çdo ditë mesatarisht 75 fëmijë dhe 50 gra ranë dëshmorë në sulmet e pushtuesit sionist në Gaza. Në këtë deklaratë gjithashtu thuhet se mesatarisht çdo ditë ranë dëshmorë 9 të moshuar. Që nga fillimi i luftës në Gaza, mesatarisht 85 fëmijë kanë humbur prindërit ose njërin prej tyre.
