Vritet një peng sionist nga sulmet izraelite
Zëdhënësi i Brigadave Al-Kassam, dega ushtarake e Hamasit, ka njoftuar vdekjen e një pengu tjetër sionist për shkak të sulmeve të regjimit sionist në Rripin e Gazës.
Sipas agjencisë iraniane të lajmeve ISNA, Abu Obeidah, zëdhënësi ushtarak i Brigadave Al-Kassam, njoftoi të shtunën në faqen e tij në Telegram se një i burgosur sionist 51-vjeçar, i quajtur Nadaf Bubalabil nga kibbutzi Nirim dhe mbartës i nënshtetësisë britanike, vdiq.
Duke shpjeguar kohën dhe arsyen e vdekjes së këtij të burgosuri sionist, ai tha se ai u plagos një muaj më parë së bashku me të burgosurin Judy Weinstein, për shkak të sulmeve të ushtrisë së regjimit sionist dhe vdiq për shkak të mosmarrjes së kujdesit mjekësor, për arsye se spitalet në Gaza u shkatërruan nga ushtria e regjimit sionist dhe janë jashtë kuadrit të shërbimit.
Në të njëjtën kohë, familjet e të burgosurve sionistë, në përgjigje të njoftimit të Abu Obeidas, kërkuan ndihmë nga kabineti i regjimit sionist, të udhëhequr nga kryeministri Benjamin Netanyahu dhe njoftuan se duhet të arrihet një marrëveshje për shkëmbimin e të burgosurve dhe se nuk ka kohë për të humbur.
Hamasi tha të premten se përpjekjet për të arritur një marrëveshje armëpushimi u kthyen në pikën e fillimit, pasi Izraeli refuzoi një propozim armëpushimi nga ndërmjetësit ndërkombëtarë.
Të premten, Joe Biden, duke injoruar se pushtuesit sionistë shkaktuan dështimin e negociatave të Kajros dhe nuk pranuan propozimin e fundit të armëpushimit të miratuar nga Hamasi, tha: "Nëse Hamasi liron pengjet që mban në Rripin e Gazës, që nesër do të vendoset një armëpushim".
