Demonstrata masive në Stamboll të Turqisë në mbështetje të Gazës

Mijëra turq demonstruan në Stamboll në mbështetje të Gazës.

Sipas agjencisë iraniane të lajmeve IRNA, duke cituar mediat turke, kjo demonstratë u mbajt në zonën "Imraniye" në qytetin e Stambollit.

Gjithashtu, shumë qytetarë të Stambollit protestuan para konsullatës amerikane në Stamboll për të dënuar luftën dhe gjenocidin në Gaza. Protestuesit kërkuan një armëpushim të menjëhershëm dhe hapjen e vendkalimit kufitar Rafah për të lejuar dërgimin e ndihmave humanitare shumë të nevojshme në Gaza. Ata gjithashtu bënë thirrje për t'i dhënë fund fushatës së gjenocidit dhe spastrimit etnik të Izraelit në Gaza.

Kjo demonstratë mbahet në të njëjtën kohë me rritjen e numrit të dëshmorëve dhe të plagosurve palestinezë në sulmet e regjimit sionist në Rripin e Gazës. Presidenti turk Rexhep Tajip Erdogan theksoi në një deklaratë të dielën se vrasjet në Gaza vazhdojnë dhe se metodat e ndryshme të gjenocidit të Netanyahut kanë arritur deri në atë nivel saqë ia kanë "zbardhur" fytyrën Hitlerit.

Qeveria turke njoftoi së fundmi se ka ndërprerë të gjitha marrëdhëniet e saj tregtare me regjimin sionist.