Dërgohen një milion doza vaksine poliomieliti në Gaza

Tedros Adhanom, Drejtori i Përgjithshëm i Organizatës Botërore të Shëndetësisë, njoftoi dërgimin e një milion dozave të vaksinës së poliomielitit në Gaza.

Sipas CNN, Organizata Botërore e Shëndetësisë po dërgon më shumë se një milion doza të vaksinës së poliomielitit në Gaza, pasi ka gjetur prova të virusit shumë ngjitës të poliomielitit në sistemin e ujit dhe kanalizimeve të Rripit të Gazës. Adhanom, Drejtori i Përgjithshëm i Organizatës Botërore të Shëndetësisë, tha: Edhe pse deri më tani nuk është regjistruar asnjë rast i poliomielitit në Gaza, pa marrë masa të menjëhershme, është e sigurt se sëmundja do të përhapet tek mijëra fëmijë që kanë mbetur të pambrojtur. Ai shtoi se fëmijët nën moshën pesë vjeç, veçanërisht foshnjat, janë më të rrezikuarit sepse shumë prej tyre nuk janë vaksinuar gjatë konfliktit gati 10-mujor. Më herët, Ministria e Shëndetësisë e Gazës e quajti katastrofë shëndetësore praninë e virusit të poliomielitit në sistemin e ujësjellësit dhe kanalizimit të këtij rajoni dhe paralajmëroi për përhapjen e tij. Lidhur me këtë, radiotelevizioni sionist njoftoi se Ministria e Shëndetësisë e këtij regjimi këshilloi ushtrinë që të vaksinojë ushtarët e saj kundër virusit të poliomielitit për shkak të përhapjes së këtij virusi në Gaza.