Rezistenca Palestineze sulmon qytetin Ashkelon

Luftëtarët e Rezistencës Palestineze shënjestruan Ashkelonin dhe vendgrumbullimet e ushtarëve sionistë në Khan Younes dhe Rafah.

Brigadat Al-Kuds, krahu ushtarak i Xhihadit Islamik Palestinez, hodhën predha mortajash në pozicionet e ushtarëve sionistë dhe pajisjet e tyre në verilindje të qytetit Khan Younis.

Brigadat e Dëshmorëve Al-Aksa njoftuan se luftëtarët e tyre kryen sulme me mortaja në vendin e grumbullimit të forcave pushtuese në jug të qytetit Rafah.

Në të njëjtën kohë, burimet e lajmeve raportuan për një konflikt të dhunshëm në qendër të qytetit Rafah, ku artileria izraelite bombardoi rëndë zonën.

Burimet lokale raportuan për sulme nga helikopterët e regjimit sionist në Rafah.

Gjithashtu, burimet e lajmeve të regjimit izraelit raportuan një sulm ndaj një automjeti që transportonte disa kolonë sionistë në Luginën e Jordanit në Bregun Perëndimor.

Televizioni izraelit Channel 14 raportoi se operacioni u krye në dy lokacione të veçanta në rajonin Toubas, pranë Luginës së Jordanit, dhe rezultoi në vdekjen e një koloni izraelit. Një tjetër kolon ka mbetur i plagosur, shtoi i njëjti burim.