Çfarë dëmi i ka sjellë Izraelit frika nga sulmi i Iranit?

Gazeta sioniste Jerusalem Post raportoi: “Miliona izraelitë po jetojnë në ankth ekstrem. Irani mund ta shpërbëjë Izraelin vetëm me një kërcënim".

Gazeta izraelite Jerusalem Post trajtoi këtë çështje në një reportazh të titulluar "Fushata e torturës psikologjike e Iranit ka qenë një fitore strategjike".

Kjo gazetë sioniste shkroi: "Strategjia e Iranit për ta mbajtur pezull hakmarrjen i ka dhënë një goditje të rëndësishme Izraelit pa gjuajtur asnjë të shtënë".

Në vazhdim të raportit për vrasjen e martirit Haniyeh, Jerusalem Post shkroi: "Ka një pyetje shqetësuese: a e ka arritur Izraeli qëllimin që parashikoi? A ia vlente vrasja e tij për situatën e pasigurt në të cilën ndodhet tani Izraeli?"

Kjo gazetë izraelite për kushtet ekonomike të regjimit sionist nën hijen e hakmarrjes së Iranit thotë: “Pothuajse të gjitha fluturimet e brendshme dhe të jashtme janë anuluar për një periudhë të pacaktuar. Ministria e Financave parashikon se në rast të një konflikti të madh do të ketë dëmtime në infrastrukturë, biznese, eksporte, importe, vende pune dhe çështje të tjera ekonomike që janë të paprecedentë në Izrael”.

Jerusalem Post shpjegoi kushtet e jetesës së sionistëve këto ditë: “Irani ka shkaktuar dëme serioze pa shkrepur asnjë plumb. Miliona izraelitë jetojnë në ankth ekstrem. Ata janë kapur në një cikël të pamëshirshëm të pyetjes "do ta sulmojnë apo jo?", i cili ka krijuar tensione dhe frikë të padurueshme. Me vetëm një kërcënim, Irani dhe Hezbollahu e kanë vënë Izraelin në gatishmërinë më të lartë, i kanë detyruar amerikanët të lëvizin forcat e tyre dhe kanë bllokuar udhëtimet ndërkombëtare".

"E vërteta e hidhur është se tani e tutje, sa herë që qeveria izraelite sulmon diku, duhet të marrë parasysh mundësinë e një sulmi nga Irani. Kjo gjendje lufte e përhershme i lejon armiqtë e Izraelit të luajnë me Izraelin si të duan. Ata mund të shpërbëjnë Izraelin vetëm me një kërcënim. Kjo çështje është një arsye e rrezikshme për cenueshmërinë e Izraelit”.