Netanyahu: Ushtria izraelite do të kontrollojë kalimin në Filadelfia

Kryeministri i regjimit sionist theksoi vendosjen e ushtarëve të këtij regjimi në brezin kufitar mes Gazës dhe Egjiptit.

Sipas agjencisë së lajmeve Mehr, regjimi sionist i ka sjellë në qorrsokak bisedimet për armëpushim në Gaza, duke paraqitur kërkesa të tepruara në procesin e negociatave me Hamasin.

Megjithatë, administrata Biden po kërkon t'i japë fund konfliktit ndërsa zgjedhjet presidenciale në nëntor  po afrohen.

Pas pretendimeve për marrëveshjen e regjimit sionist për vendosjen e forcave ndërkombëtare në Korridorin e Filadelfias, që është brezi kufitar mes Gazës dhe Egjiptit, kryeministri i këtij regjimi, Benjamin Netanyahu, e mohoi këtë çështje.

Në deklaratën e publikuar nga zyra e kryeministrit të regjimit sionist thuhet: Netanyahu vazhdon të insistojë në kontrollin e korridorit të Filadelfias nga ushtria izraelite, sepse beson se kjo mund të parandalojë riarmatosjen e lëvizjes Hamas dhe përsëritjen e sulmit të 7 tetorit.

Pavarësisht kundërshtimit të qeverisë egjiptiane dhe lëvizjes Hamas, zyrtarët e Tel Avivit vazhdojnë të këmbëngulin për të kontrolluar korridorin e Filadelfias.

Me praninë e ushtrisë së këtij regjimi, kalimi i Rafahut, e vetmja rrugë që lidh Gazën me botën e jashtme, është nën kontrollin e regjimit sionist dhe ky regjim mund të ndalojë sa herë të dojë hyrjen e ndihmave humanitare në këtë vendkalim.