Sulm me dron ndaj qendrës ushtarake sioniste në Gaza
Brigada Ezzeddin Kasam njoftoi një sulm me dron në një qendër ushtarake sioniste në Gaza.
Sipas agjencisë së lajmeve Mehr, edhe pse regjimi sionist ka shënjestruar gjerësisht Gazën nga veriu në jug, luftëtarët palestinezë çdo ditë sulmojnë pozicionet e ushtrisë armike sioniste dhe i shkaktojnë goditje të dhimbshme regjimit sionist.
Bazuar në këtë, Brigada Ezzeddin Kasam, krahu ushtarak i Hamasit, lëshoi një deklaratë ku njoftoi shënjestrimin e pozicioneve ushtarake sioniste në Gaza.
Në këtë deklaratë thuhet: Luftëtarët tanë arritën të shënjestrojnë me një dron kamikaz një qendër ushtarake sioniste që ishte përgjegjëse për kontrollin dhe komandimin në aksin Netzarim.
Deri më tani nuk janë publikuar më shumë detaje rreth viktimave të mundshme të këtij sulmi me dron.
Korridori Netzarim ndan pjesën qendrore të Gazës nga veriu i këtij brezi dhe autoritetet sioniste kërkojnë të mbajnë nën kontrollin e tyre këtë korridor dhe Korridorin e Filadelfias në brezin kufitar midis Gazës dhe Egjiptit.
