Izraeli masakroi rreth 70 palestinezë në 48 orë

Ministria e Shëndetësisë në Gaza njoftoi se forcat ushtarake të Izraelit kanë masakruar rreth 70 persona dhe kanë plagosur më shumë se 200 të tjerë në dy ditët e fundit.

“Forcat izraelite vranë 69 persona dhe plagosën 212 të tjerë në pesë masakra kundër palestinezëve në 48 orët e fundit”, tha ministria të shtunën.

Vdekjet e njoftuara të shtunën e çojnë numrin e të vdekurve palestinezë në 40,334, që nga fillimi i luftës gjenocidale të regjimit sionist në Gaza. Të paktën 93,356 palestinezë janë plagosur gjithashtu.

"Shumë njerëz janë ende të bllokuar nën rrënoja dhe në rrugë pasi grupet e shpëtimit nuk janë në gjendje t'i arrijnë ata", tha Ministria e Shëndetësisë në Gaza.

Philippe Lazzarini, kreu i Agjencisë së OKB-së për Refugjatët Palestinë (UNRWA), tha të shtunën se agresionet e Izraelit në Gaza kanë rritur në mënyrë dramatike rrezikun e ndarjes së familjeve në muajt e fundit.

Në një postim në X, Lazzarini shkroi: “Si një shembull, fëmijët gjenden të jetojnë vetëm në spitale".

“Rreth 17,000 fëmijë në Gaza vlerësohet të jenë të pashoqëruar ose të ndarë nga prindërit e tyre, sipas UNICEF. Shifrat aktuale mund të jenë më të larta,” shtoi ai.