Jemeni paralajmëron për surpriza thellë brenda armikut izraelit

Ministri i Mbrojtjes i Jemenit, Mohammed Nasser Al-Atafi ka deklaruar se forcat e armatosura të Jemenit kanë surpriza për forcat armike, duke pohuar se ato do të vazhdojnë të sulmojnë objektivat brenda territoreve të pushtuara nga Izraeli me të gjitha llojet e armëve.

Duke folur të dielën në ceremoninë e diplomimit në kolegjin e oficerëve, Al-Atafi tha: "Institucionet ushtarake përgjegjëse për përgatitjen, trajnimin dhe rinovimin e sistemeve tona ushtarako-industriale janë duke u zhvilluar me shpejtësi me qëllim të krijimit të gatishmërisë së re për ndryshimin e zhvillimeve."

"Ne po synojmë të trajnojmë një forcë ushtarake-mbrojtëse të aftë për t'i imponuar armikut ekuacionet e saj politike dhe ushtarake dhe të mbrojmë sovranitetin e Republikës së Jemenit në të gjithë sferën e saj," tha al-Atafi.

“Ne synojmë të japim vazhdimisht goditje të dhimbshme thellë brenda formacioneve ushtarake të armikut sionist. Në këtë mënyrë, armiku para se të kryejë më shumë sulme, do të mendojë për pasojat e rënda të marrëzisë së tij," vuri në dukje Ministri i Mbrojtjes i Jemenit.

Ai tha se forcat e armatosura të Jemenit tashmë ishin gati të shkatërronin "strofkën" e sionistëve.

Al-Atafi gjithashtu shtoi: "Ne nuk do të hezitojmë të sulmojmë armikun me raketa balistike, hipersonike dhe lundruese, si dhe me dronë. Jemi të përgatitur për çdo lloj konfrontimi. Ne premtojmë se më shumë surpriza e presin armikun kriminel sionist që do t'i freskojnë zemrat e besimtarëve të vërtetë."