Viti i dhimbjeve, Palestina e gjakosur

Një vit pas sulmit vdekjeprurës të Hamasit ndaj Izraelit, i cili nisi luftën në Gaza, territori palestinez është dhe banorët e tij janë të rraskapitur nga zhvendosjet dhe mungesat pa fund.

"Ndihej si dita e parë e luftës përsëri", tha Khaled Al Havajri, 46 vjeç, ndërsa forcat izraelite bombarduan lagjen e tij në Gaza, edhe kur Izraeli shënoi përvjetorin e sulmit të Hamasit. “Mbrëmë ne u terrorizuam nga bombardimet me kuadrokopterë dhe predha tankesh”, tha Havajri, i cili gjatë vitit të kaluar është zhvendosur 10 herë me familjen e tij prej shtatë anëtarësh. "Ne kemi duruar një vit të tërë në veri nën bombardime, terror dhe frikë në zemrat e fëmijëve të mi," tha ai, duke shtuar se ka qëndruar në veriun e shkatërruar të Gazës sepse "nuk ka vend të sigurt në të gjithë Rripin". Qyteti i Gazës tani është bërë i paidenfikueshëm për shkak se është shkatërruar nga sulmet ajrore dhe bombardimet e pamëshirshme. Banorët ecnin përgjatë rrugëve të mbuluara me pluhur të zhveshur nga trotuaret, me ndërtesa të shkatërruara ose të mbetura pa fasada dhe me inertet e rrënojave që kanë mbushur mbushur rrugët. Me mungesa në karburant dhe çmim të shtrenjtë, qarkullimi i makinave pothuajse nuk eksiton. Shumica e njerëzve ecnin me biçikletë ose përdorin karrocat me gomerë."Nuk ka energji elektrike apo produkte nafte. As dru zjarri nuk ka. Ushqimi pothuajse nuk ekziston", tha 64-vjeçari Hussam Mansour, duke folur nga një rrugë në qytetin e Gazës, i rrethuar nga një grumbuj rrënojash dhe pluhuri. Kombet e Bashkuara thonë se 92 për qind e rrugëve të Gazës dhe më shumë se 84 për qind e objekteve të saj shëndetësore janë dëmtuar ose shkatërruar në luftë. Mansour dhe djemtë e tij janë zhvendosur të gjithë dhe ndërtesa e banesës së tij u shkatërrua nga një sulm ajror. “Tani kur eci nëpër rrugë, nuk njoh më asgjë”, tha ai. Ashtu si Havajri dhe Mansour, 2.4 milionë banorët e Gazës kanë duruar vështirësi, pa shenja ndihme ndërkohë që Izraeli rivendosi divizionet në veri të vendit ku trupat po luftojnë kundër aleatit libanez të Hamasit, Hezbollahut. Rreth 90 për qind e popullsisë është zhvendosur të paktën një herë, thonë Kombet e Bashkuara. “Mbrëmë ishte një nga netët më të vështira të luftës. Dukej sikur lufta sapo kishte filluar!", tha 46-vjeçari Muhammad al-Muqayyid, i zhvendosur nga kampi i refugjatëve Jabaliya në veri të Gazës. “Nuk e kisha imagjinuar kurrë se lufta do të zgjaste kaq gjatë”, tha ai."Ka kaluar një vit dhe ne kemi parë çdo lloj vuajtjeje - sëmundje, uri, rrezik dhe humbje njerëzish." Ushtria izraelite ka luftuar Hamasin në Gaza që nga sulmi i paprecedentë ndaj Izraelit, i cili rezultoi në vdekjen e 1205 personave, shumica prej tyre civilë, sipas një raporti të AFP-së bazuar në shifrat zyrtare izraelite. Ofensiva hakmarrëse ushtarake e Izraelit në Gaza ka vrarë të paktën 41,909 njerëz, shumica prej tyre civilë, sipas shifrave të dhëna nga ministria palestineze e shëndetësisë. OKB-ja e pranon se shifrat janë të besueshme. Një vit më vonë, Izraeli nuk ka arritur ende një nga objektivat e tij kryesorë: sigurimin e kthimit të të gjithë atyre që janë marrë peng më 7 tetor 2023. Nga 251 të kapur atë ditë, 97 mbahen ende robër në Gaza, duke përfshirë 34 që ushtria izraelite thotë se kanë vdekur. Ushtria izraelite është ende duke kryer operacione në Gaza për të liruar pengjet dhe për të shtypur Hamasin, në pushtet me votën e popullit që nga viti 2007. "Nisi një pushtim i papritur tokësor me tanke dhe njerëzit nxituan të dilnin nga shtëpitë e tyre pa marrë asgjë me vete, vetëm duke mbajtur fëmijët e tyre dhe duke vrapuar nëpër rrugë për t'i shpëtuar zjarrit dhe predhave që binin mbi ta", tha Mukayyid. Operacioni ushtarak në veri të Gazës vazhdon. Ndërkohë, Hamasi vazhdon të luftojë. Krahu i tij i armatosur, Brigadat Ezzedine Al Qassam, të hënën tha se lëshoi ​​një breshëri raketash në Tel Aviv.