Sulmi i regjimit sionist në Al Nabatieh të Libanit
Ministria e Shëndetësisë e Libanit njoftoi për martirizimin dhe plagosjen e 50 libanezëve në sulmin kriminal të ushtrisë së regjimit sionist në qytetin “Al Nabatieh” në jug të këtij vendi.
Sipas rrjetit Al-Mayadeen, sot ushtria sioniste kreu më shumë se 10 sulme në Al-Nabatieh dhe rrethinat e saj. Në lidhje me këtë, Ministria e Shëndetësisë e Libanit njoftoi se 6 libanezë mbetën dëshmorë dhe 43 të tjerë u plagosën si pasojë e sulmeve të regjimit sionist.
Ndërkohë, sipas raportimeve të mediave të regjimit sionist, rreth 50 raketa janë hedhur nga Libani herët të mërkurën.
Lëvizja libaneze e rezistencës Hezbollah tha gjithashtu se lëshoi një breshëri të madhe raketash në qytetin Safed.
Në një deklaratë të mërkurën, Hezbollah njoftoi se luftëtarët e tij filluan sulme të rënda me raketa duke synuar vendbanimin izraelit Karmiel, siç raportohet nga faqja e lajmeve Al-Ahd.
Rezistenca Islamike e Hezbollahut vazhdoi të mbrojë territoret libaneze dhe t'i përgjigjet agresionit izraelit duke gjuajtur një numër të madh raketash në vendbanimin izraelit Karmiel në Galilenë Qendrore.
Sipas Radios së Ushtrisë Izraelite, raketat e Hezbollahut goditën drejtpërdrejt Karmielin, që ndodhet në Galilenë Qendrore.
