Disa sirianë u plagosën në protestën kundër Izraelit në Kuneitra

Forcat okupuese izraelite hapën zjarr ndaj protestuesve sirianë në Kuneitra, duke plagosur disa prej tyre.

Me buldozerët dhe tanket e tyre, forcat pushtuese izraelite sulmuan një kazermë në qendër të fshatit Swisah (Kuneitra), duke kryer akte vandalizmi dhe duke prerë pemët në rrethinën e saj, njoftuan burimet siriane.

Forcat izraelite kanë ngritur pozicione të reja ushtarake në fshatin Kuneitra të Sirisë, veçanërisht përgjatë akseve Rasm al-Rawadi, Umm al-Edam dhe al-Mantara.

Fshati Swisah, në jug të provincës Kuneitra, ishte skena e një demonstrate kundër forcave të regjimit okupues izraelit, thanë burimet lokale për kanalin libanez të lajmeve Al-Majadin.

Më pas, forcat e regjimit pushtues u zhvendosën në një kazermë në perëndim të fshatit, duke vazhduar shkatërrimin, duke nxitur banorët të mblidhen pranë kazermës për të protestuar kundër inkursionit dhe të ngrenë flamurin sirian.

Forcat izraelite më pas hapën zjarr për të parandaluar afrimin e demonstruesve, duke plagosur pesë demonstrues.

Sipas burimeve, forcat izraelite kanë transportuar pajisje ushtarake, përfshirë buldozerë, në zonën al-Tallayn al-Homr, ku janë vendosur prej disa kohësh.

Më herët sot, Al-Majadin raportoi se ushtria izraelite zgjeroi pushtimin e saj në provincën Kuneitra në Sirinë jugperëndimore, duke i detyruar banorët të dorëzonin armët tek forcat e regjimit pushtues sionist.

Sipas disa raporteve, ushtria izraelite ka pushtuar deri në 95% të Kuneitrës.