33 ditë protesta në digën Tishrin kundër sulmeve të ushtrisë turke

Protesta e banorëve të veriut dhe lindjes së Sirisë mbi digën Tishrin kundër sulmeve të ushtrisë turke dhe grupeve të armatosura të lidhura me të, ka hyrë në ditën e 33-të.

Gjatë këtyre sulmeve ndaj digës Tishrin, deri më tani kanë humbur jetën 24 protestues dhe mbi 200 të tjerë janë plagosur. Përballë agresionit të ushtrisë turke dhe forcave të lidhura me të, banorët e qyteteve të ndryshme në formë karvanesh po marshojnë çdo ditë në drejtim të digës. Nga ana tjetër, Mohamed Ismail, anëtar i Këshillit Politik të Këshillit Kombëtar Kurd të Sirisë (ENKS), ka theksuar rëndësinë e ruajtjes së bashkëjetesës, paqes sociale dhe ndërtimit të një të ardhmeje civile dhe multietnike në Siri. Ndërkohë, burime të informuara raportojnë se shpërthimi i një mine në lindje të qytetit Homs ka tronditur zonën, duke shkaktuar vdekjen e të paktën katër qytetarëve sirianë. Minat e vendosura nga grupet terroriste në rajone të ndryshme të Sirisë deri tani kanë marrë jetën e dhjetëra civilëve.