Ushtria izraelite arreston palestinezët

Forcat e ushtrisë izraelite kanë arrestuar sot 11 palestinezë në Bregun Perëndimor.

Mes të arrestuarve janë edhe Omer Hanbeli vëllai i dëshmorit Muhamed Hanbeli dhe Abdulhakim Al Kadeh që sapo ishte liruar nga burgjet izraelite. Forcat izraelite kanë bastisur sot qytezën Bejt Amr në Bregun Perëndimor dhe i kanë detyruar shumë palestinezë të shkojnë në qendrën e vrojtimit të ushtrisë izraelite ku janë marrë në pyetje nga oficerët izraelitë. Ata janë pyetur mbi zgjedhjet e ardhshme, kandidatët e mundshëm në këto zgjedhje, rolin e familjeve në zgjedhje dhe mbi gjendjen ekonomike të palestinezëve.