Rusia do të ndërhyjë për zgjidhjen e krizës në Jemen
Ish presidenti i Jemenit kërkoi që Rusia të ndërhyjë në Jemen, për të ndalur agresionet e Arabisë Saudite ndaj këtij vendi.
Ali Abdullah Saleh, ish president i Jemenit, në takimin e zhvilluar me të ngarkuarin me punë të Rusisë në Sana, kërkoi që Rusia të ndërhyjë për të ndalur agresionet e Arabisë Saudite dhe të SHBA kundër Jemenit. Ai tha se Rusia është një vend i madh që duhet të përpiqet për vendosjen e paqes në Jemen dhe për miratimin e një rezolute në KS të OKB, që ti jap fund bllokadës detare, tokësore dhe ajrore kundër Jemenit. Ish presidenti jemenas vlerësoi qëndrimet e Sejed Hasan Nadrullah, sekretari i përgjithshëm i Hezbullahut të Libanit ndaj krizës në Jemen dhe theksoi se qëndrimet e Nasrullah reflektojnë qëndrimet e të gjithë myslimanëve dhe këto qëndrimet të sinqerta e vëllazërore të Sejed Hasan Nasrullah, dëshmojnë për origjinën reale arabe të tij dhe për prirjet e sinqerta islame.
