Populli jemenas proteston kundër sulmeve të Arabisë Saudite

Qindra studentë jemenas kanë mbajtur sot protesta, duke dënuar krimet e Arabisë Saudite dhe të Amerikës në Jemen.

Sipas kanalit televiziv Al Someria, qindra studentë kanë protestuar sot në provinca të ndryshme të Jemenit, duke dënuar sulmet e avionëve sauditë dhe amerikanë në Jemen, si dhe krimet e kryera ndaj civilëve jemenas. Protestuesit kanë dënuar sulmin e avionëve sauditë kundër një ceremonie mortore në Sana, ku humbën jetën dhe u plagosën qindra persona. Studentët jemenas po ashtu kanë dënuar heshtjen e Bashkësisë Ndërkombëtare dhe të OKB përballë krimeve të Arabisë Saudite në Jemen dhe kanë deklaruar se krimet e agresorëve sauditë nuk do të harrohen kurrë. Protestuesit jemenas kanë kërkuar edhe nga i dërguari i posaçëm i OKB për Jemenin, Ismail Veled Shejh Ahmed, që të bëj më shumë përpjekje për zgjidhjen e krizës në Jemen.