Sulme ajrore të Turqisë në veri të Sirisë

Avionët luftarakë turq në kuadër të operacionit Mburoja e Eufratit, kanë bombarduar 27 pozicione të terroristëve të ISIS në veri të Sirisë.

Lajmi u bë i ditur nga Shtabi i përgjithshëm i ushtrisë turke, i cili deklaroi se në këto sulme janë vrarë të paktën 12 pjesëtarë të ISIS. Operacioni Mburoja e Eufratit nisi më 24 gusht dhe nëpërmjet këtij operacioni, ushtria turke me pretekstin e luftës kundër ISIS, ka dislokuar forcat ushtarake në veri të Sirisë, në një kohë që qëllimi kryesor i Ankarasë është përballja me militantët kurdë në veri të Sirisë, të cilët i konsideron si aleatë të PKK.