Forcat sioniste martirizojnë një të ri palestinez

Një i ri palestinez është martirizuar pas një sulmi të forcave sioniste në rajonin Kafer Agab në veri të Kodsit të pushtuar.

Lajmi bëhet i ditur nga agjencia Al Alam sipas të cilës me vrasjen e këtij të riu palestinez, numri i martirëve palestinezë që nga nisja e intifadës së Kodsit, ka arritur në 270 persona. Për shkak të shtimit të dhunës së forcave sioniste ndaj palestinezëve dhe në veçanti ndaj fëmijëve dhe për shkak të dhunimit të vendeve të shenjta islame dhe pas përpjekjeve të sionistëve për ndarjen territoriale dhe kohore të xhamisë Al Aksa, palestinezët që prej tetorit 2015 kanë nisur intifadën e Kodsit kundër regjimit sionist. Që nga ajo kohë e deri tani shumë palestinezë janë vrarë dhe janë plagosur gjatë agresioneve të sionistëve.