Vriten disa krerë të ISIS në Mosul

Forcat irakiane të sigurisë kanë vrarë tre nga krerët e grupit terrorist ISIS në Mosul të Irakut.

Policia Federale e Irakut bëri të ditur se këta krerë terroristë të njohur me emrat Abu Khatab, Abu Jasin dhe Muavije, janë vrarë nga forcat e policisë federale irakiane në një operacion në lindje të Mosulit. Ndërkohë, burime amerikane njoftuan se lideri i ISIS Abu Bekr al Bagdadi është gjallë. Ky pohim i Uashingtonit u bë pasi disa burime lokale në provincën Ninva bënë të ditur se Al Bagdadi është parë në një rajon në perëndim të kësaj province.