Kabul: Të shtëna në ajër dhe topa uji kundër protestuesve

Forcat afgane të sigurisë kanë shtënë në ajër, në afërsi të një turme protestuesish, të cilët po protetstonin kundër pasigurisë në vendin e tyre, dy ditë pasi një kamion me mjete shpërthyese vrau së paku 90 persona në Kabul.

Policia ka përdorur edhe topa uji për të shpërndarë protestuesit e mbledhur të premten, më 2 qershor, dhe për të parandaluar depërtimin e tyre në pallatin presidencial. Disa protestues janë lënduar gjatë përplasjeve me focat e rendit. Disa prej tyre mbanin në duar fotografi të viktimave të sulmit, shumica e të cilëve ishin gra dhe fëmijë.