Turqia do të dërgojë trupa në Katar
Parlamenti i Turqisë miratoi një vendim për të vendosur trupa në një bazë ushtarake turke në Katar pas një përçarjeje në rritje midis Katarit dhe fqinjëve arabë në rajonin e Gjirit Persik.
Parlamenti turk miratoi të mërkurën me 240 vota pro vendosjen e trupave ushtarake turke në Katar. Pro votuan shumica e deputetëve nga partia AKP e Presidentit Rexhep Taip Erdogan. Arabia Saudite, Emiratet e Bashkuara Arabe, Bahrejni, Egjipti dhe Maldivet, kanë ndërprerë lidhjet me Dohën për atë që ata e quajnë mbështetjen e Katarit për terrorizmin. Katari e ka mohuar këtë pretendim. Megjithatë, debati mbi legjislacionin u në agjendën e parlamentit turk, ndërsa një ligj i veçantë u paraqit në dhomën e bashkëpunimit ushtarak midis Turqisë dhe Katarit. Turqia, e cila fillimisht është pëpjekur për të ndërmjetësuar midis vendeve arabe, ka deklaruar mbështetjen e saj për Katarin, duke hedhur poshtë pretendimet se Doha po financon terrorizmin. Erdogan tha të martën se Katari ishte një forcë udhëheqëse në luftën rajonale kundër terrorit dhe kritikoi të tjerët për ndjekjen e politikës së izolimit të vendit të pasur me naftë. Ai madje e përshëndeti Katarin për një qëndrim "të përmbajtur dhe konstruktiv" në trajtimin e çështjeve rajonale. Votimi në parlamentin turk të mërkurën është një shenjë e re që Turqia po mbështet Katarin në mosmarrëveshjen me sauditët dhe aleatët. Turqia dhe Katari nënshkruan një marrëveshje në 2014 që lejoi ndërtimin e një baze turke në Katar. Zyrtarët turq thonë se deri në 3,000 trupa turke mund të vendosen në Katar si pjesë e programit të Ankarasë për të rritur bashkëpunimin ushtarak me Dohën.
