Iraku ka nevojë për unitet kombëtar në epokën pas-ISIS
Çlirimi i qytetit Mosul në Irak ka rëndësi të veçantë nga aspektet teknike dhe operacionale, si brenda ashtu edhe jashtë këtij vendi. Operacioni i Mosulit ka qenë i konsiderueshëm për shkak të përdorimit të metodave teknike dhe taktike shumë të komplikuara.
Statusi gjeografik dhe topografik i qytetit e vështirësoi operacionin. Kushte të tilla bënë që fortifikatat e ISIS të jenë më të paarritshme për forcat irakiane. Gjithashtu, grupi terrorist përdorte civilët si mburoja njerëzore që shtuan vështirësinë e ofensivës anti-ISIS. Për më tepër, Uashingtoni ushtroi presion ndaj qeverisë irakiane për t'ia dorëzuar udhëheqjen e operacionit forcave të koalicionit, të cilat më tej e bënë më të vështirë dhe më të komplikuar betejën kundër ISIS. Mbështetja e dhënë për ISIS nga shtete të caktuara shtoi edhe më shumë vështirësitë. Përkundër vështirësive të tilla, ushtria irakiane, e mbështetur nga të gjitha sferat e jetës, vazhdoi betejën kundër ISIS dhe bëri arritje të mëdha. Kjo i bëri një goditje serioze grupit terrorist dhe sponsorëve të tij. Çlirimi i Mosulit do të lehtësojë rimarrjen e zonave të tjera në vendin arab. Ndërkohë, rezultati më i rëndësishëm dhe afatgjatë i çlirimit të Mosulit është se kombet rajonale janë të afta të çlirohen nga terroristët pa ndërhyrjen e shteteve të huaja. Trupat e Irakut rimorën Mosulin përmes mbështetjes së Forcave Popullore të Mobilizimit, që do të thotë se Bagdadi është në gjendje të heqë kërcënimet e sigurisë pa u mbështetur në trupat e huaja. Tani, rimarrja e Mosulit ka ndihmuar Iranin, Irakun dhe Sirinë për të rritur betejën e tyre anti-ISIS. Megjithatë, çlirimi i qytetit strategjik të Mosulit nuk ka përfunduar epokën e ISIS. Ushtria irakiane dhe Forcat Popullore të Mobilizimit do të duhet të bëjnë përpjekje të ashpra për ta pastruar kombin nga terroristët. Kjo është për shkak se grupi terrorist ndoshta do të rrisë sulmet vetëvrasëse pas humbjes së kontrollit të Mosulit. Pavarësisht nga pengesat e sigurisë, qeveria irakiane po përpiqet të kthejë refugjatët në shtëpitë e tyre të cilat ishin zënë nga terroristët. ISIS u krijua si rezultat i politikave koloniale të ndjekura nga SHBA dhe Izraeli dhe ky grup terrorist do të vazhdojë të ekzistojë për aq kohë sa të marrë mbështetjen e Uashingtonit dhe Tel Avivit. Iraku duhet të ndjekë masat për të ruajtur unitetin e tij kombëtar në epokën pas ISIS. Çdo dështim për të ruajtur një unitet të tillë mund ta vërë vendin në rrezik që të ndahet.
