Kombet e Bashkuara shqyrtojnë rastin e krizës së Katarit

Jeffrey Feltman, nënsekretari i Përgjithshëm i OKB-së për Çështjet Politike, udhëtoi për në Kuvajt për të diskutuar mbi krizën e Katarit.

Sipas kanalit televiziv Al-Alam, Kombet e Bashkuara po punojnë për të zgjidhur krizën midis shteteve arabe dhe Katarit. Në të njëjtën mënyrë, zëdhënësi i Sekretarit të Përgjithshëm të Kombeve të Bashkuara, Stephen Dujaric, tha se Jeffrey Feltman, nënsekretari i Përgjithshëm i Sekretarit të Përgjithshëm të OKB-së për Çështjet Politike, ka udhëtuar për në Kuvajt për të diskutuar mbi krizën e Katarit. Ndërkohë, të mërkurën, Arabia Saudite, Emiratet e Bashkuara Arabe, Bahrejni dhe Egjipti me një deklaratë të përbashkët të lëshuar nga ministrat e jashtëm, njoftuan vendimin e tyre për vazhdimin e masave aktuale kundër Katarit. Ata gjithashtu thanë se do të ndërmarrin masa të mëtejshme kundër Katarit në përgjigje të reagimit negativ të zyrtarëve të Katarit ndaj kërkesave të tyre.