Çlirohet Mosuli i vjetër
Forcat qeveritare irakiane kanë marrë kontrollin e plotë të Qytetit të Vjetër të Mosulit, i cili shërbeu si bastioni i fundit i terroristëve të ISIS në qytetin e dytë më të madh të vendit arab.
Zëdhënësi i Komandës së Përbashkët Operacionale të Irakut, gjeneral brigade Jahja Resul, njoftoi të shtunën se trupat e ushtrisë irakian kishin rifituar kontrollin mbi zonën strategjike, ku udhëheqësi i ISIS Ibrahim al-Samarrai aka Abu Bakr al-Bagdadi shpalli kalifatin e ekstremistëve në korrik të vitit 2014. Zyra për informim e Ministrisë së Mbrojtjes irakiane gjithashtu deklaroi se forcat qeveritare kishin vrarë 35 anëtarë të ISIS dhe kanë plagosur 6 të tjerë, ndërkohë që ishin duke kaluar nga pjesa perëndimore e Mosulit në anën lindore. Ai vuri në dukje se forcat e Policisë Federale përfunduan misionet e tyre luftarake në Qytetin e Vjetër duke rindërtuar Rrugën Naxhifi, si dhe lagjet Al Tub dhe Suk Al Sagha, që ishin rajonet e fundit që kishin mbetur nën kontrollin e ISIS.
