Etnia izedi në Srebrenicë, kërkon të njihet gjenocidi kundër tyre

4 pjesëtarë të fisit izedi të Irakut, të cilët morën pjesë në ceremoninë përkujtimore të vrasjes së 8 mijë boshnjakëve në vitin 1995 në Srebrenicë, u janë bashkuar myslimanëve boshnjakë dhe kanë kërkuar që të njihet gjenocidi i kryer ndaj kësaj etnie nga ana e grupit terrorist ISIS.

Vrasja e myslimanëve nga ushtria serbe në Srebrenicë është njohur si gjenocid nga dy gjykata ndërkombëtare. Vrasja e pjesëtarëve të fisit izedi nga ana e ISIS në qytetin Sanxhar ku shumë prej tyre u varrosën për së gjalli nga ISIS, është njohur si gjenocid nga një komision i OKB mirëpo aktivistë të shumtë po mundohen që edhe gjykata ndërkombëtare e drejtësisë, ta njohë zyrtarisht gjenocidin e kryer kundër fisit Izedi nga terroristët e ISIS.