Fronti al-Nusra posedon armë kimike në Idlib

Anëtarët e grupit terrorist Xhabhat Fateh al-Sham, të njohur më parë si Fronti al-Nusra, thuhet se janë në posedim të armëve kimike në provincën e trazuar veriore të Sirisë, Idlib, dhe i kanë depozituar këto armë të ndaluara ndërkombëtarisht.

Burime lokale, duke ruajtur anonimitetin, i thanë të hënën agjencisë zyrtare të lajmeve të Sirisë SANA se terroristët e Xhabhat Fateh al-Sham kanë një numër deposh në qytetet Ghazleh dhe Ma'arrat Misrin, që ndodhen 50 kilometra në jugperëndim të Alepos, ku mbajnë predha të mbushura me materiale toksike. Burimet shtuan se disa nga substancat toksike janë prodhuar në nivel lokal, ndërsa armët e tjera kimike janë prodhuar nga jashtë dhe kryesisht në Shtetet e Bashkuara. Ata theksuan se kanë "informacion të saktë" se terroristët takfiristë në Ma'arrat Misrin mund të prodhojnë raketa me rreze të shkurtër prej 15 kilometrash që mund të jenë të armatosura me mbushje kimike. Këto burime gjithashtu paralajmëruan se terroristët e Xhabhat Fateh al-Sham do të përdorin materialet toksike ndaj qytetarëve të zakonshëm si pjesë e një komploti kundër trupave qeveritare siriane.