Rrëzohet një minibus me pelegrinë iranianë në Irak

Në jug të qytetit Hela, pjesë e provincës Babel të Irakut, është rrëzuar një minibus me pelegrinë iranianë.

Në këtë aksident kanë humbur jetën 4 pelegrinë dhe janë lënduar rëndë 4 të tjerë. Të lënduarit janë dërguar menjëherë në spitalin e qytetit Hela të Irakut. Pelegrinët iranianë kanë shkuar në Irak për të marrë pjesë në ceremoninë Arbain të imam Huseinit më 9 nëntor. Ceremonia e të dyzetave të imamit të tretë të myslimanëve shiitë, imam Huseinit (as), do të mbahet në Qerbela. Vitin e kaluar në Qerbela kanë shkuar më shumë se 2 milion pelegrinë iranianë.