Rihapet korridori Rafah në Rripin e Gazës

Korridori kufitar Rafah në jug të Rripit të Gazës është rihapur sot (të shtunën) me mbikëqyrjen e Autoritetit Autonom të Palestinë dhe në kuadër të marrëveshjes për pajtim kombëtar.

Qendra informative e Palestinës njoftoi se korridori kufitar Rafah nga sot deri të hënën do të jetë i hapur për qarkullimin e udhëtarëve. Ministria e Brendshme e Palestinës në Rripin e Gazës ditën e kaluar ka shpallur emrat e udhëtarëve të cilët pritet të kalojnë sot nëpërmjet këtij korridori. Që nga orët e para të mëngjesit të ditës së shtunë udhëtarët palestinezë janë përgatitur dhe janë mbledhur në Khan Junes për të kaluar korridorin Rafah. Ky vendim është marrë gjatë takimit të ditës së premte mes përfaqësuesve të Hamas dhe AAP i cili është zhvilluar për diskutimin e çështjes së funksionit të korridorit Rafah.