Arabia Saudite dhe Emiratet rekrutojnë  mijëra mercenarë afrikanë

Arabia Saudite dhe Emiratet e Bashkuara Arabe po rekrutojnë mijëra mercenarë afrikanë për të shërbyer në aventurat e tyre ushtarake jashtë shtetit, duke përfshirë luftën e përgjakshme ndaj Jemenit.

Burime saudite i thanë gazetës al-Kuds al-Arabi se Arabia Saudite synon të përdorë mercenarë nga Çadi në operacionet e saj jashtë vendit. Ata thanë se spekulimet kishin fituar më shumë besueshmëri pasi presidenti i Çadit Idriss Déby udhëtoi për në Arabinë Saudite më parë gjatë muajit. Ndërkohë, Emiratet e Bashkuara Arabe po kërkojnë të rekrutojnë mijëra mercenarë nga Uganda për t'u vendosur në Jemen dhe Somali, njoftoi rrjeti televiziv al-Masira i Jemenit, duke cituar mediat arabe. Emiratet janë partneri kryesor i Arabisë Saudite në luftën kundër Jemenit. Dy vendet kanë rekrutuar tashmë mijëra mercenarë dhe Emiratet e Bashkuara Arabe po kërkojnë rekrutë në Ugandë pas lajmeve të tërheqjes së forcave sudaneze nga koalicioni i udhëhequr nga Arabia Saudite. Njoftohet se Princi i Kurorës i Abu Dhabit, Muhamed bin Zajed Al Nahian do të udhëtojë për në Ugandë për të nënshkruar një marrëveshje për rekrutimin e 10,000 forcave ugandeze në radhët e ushtrisë së Emirateve.