Izraeli arreston dhe deporton aktivistët amerikanë

Zyrtarët izraelitë kanë arrestuar dy avokatë amerikanë aktivistë të shquar për të drejtat e njeriut pas mbërritjes në një aeroport në Tel Aviv para se t'i deportonin ata në Shtetet e Bashkuara duke i akuzuar për rolin e tyre në një fushatë ndërkombëtare bojkoti kundër regjimit pushtues sionist.

Gazeta izraelite Haaretz njoftoi të enjten se Katherine Franke dhe Vincent Warren u arrestuan nga zyrtarët izraelitë në aeroportin Ben Gurion në Tel Aviv , duke i mbajtur në paraburgim për 14 orë dhe i akuzuan se kishin lidhje me lëvizjen pro-palestineze, Bojkoto, Shpronëso, Sanksiono (BDS), para se të rikthehen në Nju Jork. Anëtarët e ekipit të avokatëve amerikanë kërkonin të takonin avokatë dhe aktivistë izraelitë dhe palestinezë që punonin në çështjet e racizmit të institucionalizuar, të drejtave të imigrantëve dhe trajtimit të azilkërkuesve. Vincent Warren shkroi në Twitter për të reaguar ndaj keqtrajtimit të tyre në Izrael, duke postuar një foto të çiftit të marrë nën një tabelë "Welcome". "Mos lejoni që shenja "Welcome" t'ju mashtrojë, ajo nuk vlen për aktivistët e të drejtave të njeriut", shkroi Warren.