Ushtria e Sirisë dislokohet në Kunejtra
Me thyerjen e linjës së parë të grupeve të armatosura në pjesën lindore të Dara në jug të Sirisë, ushtria siriane ka dërguar pajisjet ushtarake në rajonet e tjera luftarake në provincën Kunejtra në kufijtë e përbashkët me pjesën e pushtuar të lartësive të Golanit.
Gazeta libaneze "Al-Akhbar" në një raport të saj ka shkruar se për të plotësuar operacionet për çlirimin e rajoneve jugore të Sirisë, ushtria siriane duke dislokuar forcat e saj në Kunejtra synon të çlirojë rripin kufitar të Golanit si prioritet të ardhshëm të saj.
Njëkohësisht me operacionet e ushtrisë së Sirisë në jug të këtij vendi dhe me publikimin e lajmeve për fillimin e operacioneve të ushtrisë së Sirisë në Idlib, grupet e armatosura terroriste i ka kapluar një frikë e madhe për përsëritjen e ngjarjeve që ndodhen në Ghuta Lindore dhe në Dara.
Me hyrjen e forcave ushtarake të Sirisë në qytetin Dara i cili për disa vite ishte nën pushtimin e terroristëve, forcat siriane kanë ngritur flamurin e Sirisë në zonën Dara Al-Belede nga ku patën filluar protestat anti-qeveritare në vitin 2011.
