Iraku dënon me varje një shtetas belg

Një gjykatë në Irak ka dënuar një shtetas belg me vdekje me varje për anëtarësimin e tij në grupin terrorist ISIS dhe përfshirjen në veprat penale në vendin arab të shkatërruar nga lufta.

Gjykata Qendrore Penale e Irakut publikoi vendimin kundër 23-vjeçarit, i identifikuar si Bilal al-Marshohi, të hënën. Gjyqtari Xhumaa Saidi lexoi pjesët e rrëfimit të nënshkruar të Marshohit gjatë një orë procedimesh dhe tregoi një video dhe fotografi që ai tha se  vërtetonin anëtarësimin e belgut në ISIS. Marshohi gjatë gjithë gjyqit në mënyrë të përsëritur i mohoi akuzat e ngritura kundër tij. "Nuk duhet të ndiqem penalisht në Irak. Unë duhet të ndiqem penalisht në Belgjikë, unë jam një qytetar belg ", tha ai. Marshohi është shtetasi i dytë belg që është arrestuar në Irak dhe është dënuar me vdekje për anëtarësim në ISIS. Tarek Xhadaun, 30 vjeç, i njohur gjatë luftës si Abu Hamza al-Belxhiki, u dënua me vdekje në maj 2018.