Ansarullah nxjerr raketat, 300 objektiva

Muhamed al-Bukhaiti, një anëtar i Këshillit Politik të lëvizjes popullore Ansarullah të Jemenit, komentoi mbi rrëzimin e dronëve ultra të sofistikuar amerikanë në Jemen dhe theksoi se përgjigja e Rezistencës në Jemen do të rritet dhe ajo që bota po dëshmon aktualisht është vetëm maja e ajsbergut.

"Arabia Saudite dhe Emiratet e Bashkuara Arabe do të duhet të shqyrtojnë taktikat e tyre të luftës në Jemen, veçanërisht pasi ushtria e Jemenit dhe Komitetet Popullore nuk kanë vendosur të eksplorojnë plotësisht aftësitë e tyre luftarake", tha ai. "Aftësitë tona balistike dhe ajrore mbeten të zbulohen dhe ato do të befasojnë më shumë Arabinë Saudite dhe Emiratet; ne do të përfitojmë në të ardhmen e afërt për të sulmuar objektiva shumë më të ndjeshme se ato që kemi sulmuar deri në këtë kohë", paralajmëroi ky zyrtar i lartë i Ansarullahut. Ndërkohë, cituar nga televizioni jemenas al-Masirah, zëdhënësi zyrtar i ushtrisë jemenase dhe i komiteteve  popullore, gjeneral brigade Jahja Sare deklaroi se njësitë raketore të Jemenit kanë në shënjestër 300 objektiva në Arabinë Saudite dhe në Emirate. Aeroporti i Xhizanit në jug të Arabisë Saudite është midis 300 objektivave që duhen shkatërruar, shtoi ai.