Jemenasit sulmojnë aeroportin Abha në Arabinë Saudite

Duke lëshuar një raketë cruise, ushtria e Jemenit ka sulmuar aeroportin Abha në jug të Arabisë Saudite.

Laji bëhet i ditur nga agjencia Al Alam sipas të cilës raketa ka goditur me saktësi objektivin e saj në aeroportin saudit, por deri tani nuk janë dhënë detaje mbi dëmet e shkaktuara në njerëz dhe ato materiale. Zëdhënësi i lëvizjes Ansarullah të Jemenit thotë se aeroportet e vendeve të përfshira në agresionin ushtarak shkatërrues dhe bllokadën kundër atdheut të tij të varfër do të vihen në shënjestër për sa kohë që embargoja e vendosur nga koalicioni i udhëhequr nga Arabia Saudite në Aeroportin Ndërkombëtar Sana'a mbetet në vend. "Ne kishim njoftuar në mënyrë të përsëritur Kombet e Bashkuara për gjendjen shëndetësore të Sekretarit të Përgjithshëm të Bashkimit të Forcave Popullore, i cili kërkoi trajtim jashtë vendit. Për fat të keq, organi botëror iu nënshtrua kërkesave të Arabisë Saudite dhe nuk mundi të bëjë asgjë për të hequr rrethimin në aeroportin Sana'a. Zëdhënësi i Houthit shtoi: "Kjo është diçka që nuk mund të tolerohet aspak". "Duke pasur parasysh rrethimin kriminal në Aeroportin Ndërkombëtar Sana'a dhe dështimin e OKB-së për të marrë masat e duhura që synojnë zgjidhjen e çështjes, vendet e agresore (të udhëhequr nga Sauditët) duhet ta dinë që aeroportet e tyre janë brenda objektivit tonë pasi sulmet janë mënyra më efikase për t'i dhënë fund bllokadës ", vuri në dukje Abdul-Salami.