Rusia: Sulmet e Izraelit kërcënojnë stabilitetin rajonal

Rusia shprehu shqetësime serioze lidhur me agresionin ushtarak izraelit kundër Sirisë, një ditë pasi sulmet izraelite shkaktuan vdekjen e katër civilëve sirianë.

Të martën, ministria e jashtme ruse tha se Rusia ishte e shqetësuar për sulmet ajrore të kryera nga regjimi okupues izraelit kundër Sirisë. Moska beson se sulmet mund të përbëjnë një kërcënim për stabilitetin rajonal, shtoi deklarata e MPJ ruse. Avionët luftarakë izraelitë nga hapësira ajrore libaneze gjuajtën raketa në zonat brenda Damaskut dhe fshatrat përreth, si dhe në provincën perëndimore Homs, sipas Ministrisë së Jashtme të Sirisë. Viktimat përfshinin edhe një fëmijë. Raketat gjithashtu plagosën 21 të tjerë, shumica prej tyre gra dhe fëmijë. Kjo nuk është hera e parë që Tel Avivi merr një mesazh paralajmërues nga Moska për shkak të inkursioneve të drejtpërdrejta dhe vdekjeprurëse kundër Sirisë.