Forcat jemenase brenda pesë javëve shkatërrojnë 9 dronë sauditë

Forcat e mbrojtjes kundërajrore të ushtrisë dhe rezistencës popullore të Jemenit kanë rrëzuar edhe një dron spiunazhi të koalicionit agresor të Arabisë Saudite në provincën Xhizan, në jug të Arabisë Saudite.

Agjencia e lajmeve Mehr njoftoi se ky ishte droni i 9-të spiunazh i koalicionit agresor të Arabisë Saudite që rrëzohet nga forcat jemenase.

Gjatë muajit korrik dhe qershor të këtij viti janë rrëzuar 6 dronë spiunazh të koalicionit agresor saudit në Naxhran, Haxhe, Al-Hudejdah dhe Xhizan.

Edhe burimet diplomatike ditën e enjte i kanë thënë agjencisë së lajmeve Reuters se koalicioni agresor i Arabisë Saudite deri në fund të këtij viti synon t’i japë fund luftës kundër Jemenit dhe tërheqja e një pjese të forcave të Emirateve të Bashkuara Arabe kanë ndihmuar në këtë drejtim.